Verkalýðshreyfingin hefur kallað eftir að skilyrði séu sett við aðgerðir stjórnvalda í kjölfar Covid-faraldursins og að eftirlit verði með því að þeim verði framfylgt. Guðrún Johnsen, hagfræðingur og formaður stjórnar Gagnsæis – samtaka gegn spillingu fjallar um hvernig má fyrirbyggja spillingu og efla traust.

Erindið er hluti af hádegisfundaröð Vörðu – rannsóknastofnunar vinnumarkaðarins, ASÍ og BSRB þar sem fjallað er um réttu leiðina út úr kreppunni. Á fundunum er fræðileg umfjöllun fléttuð saman við reynslu af skipulögðu starfi verkalýðshreyfingarinnar og annarra almannasamtaka.

Hægt er að horfa á upptöku á erindinu, með texta, á heimasíðu Vörðu rannvinn.is og á Youtube (https://www.youtube.com/watch?v=umYi1HnOdH8)