Hüt wird’s im Bündnertalk so persönlich und ächt wia no nia. I dr neusta Episoda sitzand d’Elena und i im Studio. Miar redand über as Erläbnis vor weniga Täg, wo üses Läba fast für immer veränderet hätt.

Uf ara Wanderig zwüscha am Fürhörnli und am Montalin bini uf 2000 Meter Höhchi usgrutscht und 150 Meter an 45-Grad steila Hang abagstürzt, han mi mehrmols überschlaga und bi schlussändlich im steila Hang ligga bliba. D’Elena hät dr ganzi Absturz müassa mitaluaga und hät im erschta Momänt gmaint, das i sterba.

I dera Episoda teiland miar baidi ganz offa üsi Sichtwiisa vo dem Tag.

A Episoda über d’Zerbrechlichkeit vum Läba, dr Wärt vu Schutzengel und d’Fähigkeit, au nachama Schock wieder s’Positiva z’gseh. Patschifig, nit perfekt, aber ztiefst ächt.

Folg üs uf Instagram: @buendnertalk